Latest Breaking News & Headlines

အွန်လိုင်းစျေးရောင်းပွဲက ရတဲ့ ပိုက်ဆံသိန်း(၅၀)ကို ဖားကန့်မြေပြိုမှုအတွက် လှူဒါန်းခဲ့တဲ့ ဖိုးချစ်တို့ အဖွဲ့

65

ဇာတ်မင်းသားချော ဖိုးချစ်ဦးဆောင်တဲ့ “ပိုသူလှူ လိုသူကူ” ပရဟိတအွန်လိုင်းဈေးရောင်းပွဲတော်ကြီးကတော့ ဇာတ်သဘင်လောကသားတွေကိုယ်တိုင် ဟင်းချက်ရောင်းပြီး ပြည်သူတွေကို ရောင်းချတဲ့အစီအစဉ်ပဲ ဖြစ်ပါတယ်။ အနုပညာလောကသားအချင်းချင်း ရိုင်းပင်းကူညီမှုနဲ့ စေတနာရှင် (၇)ရက်သားသမီး အလှူရှင်တွေကြောင့် ရက်အနည်းငယ်အတွင်းမှာ အလှူငွေတွေများစွာကို

ရရှိပိုင်ဆိုင်ခဲ့တာပဲ ဖြစ်ပါတယ်။ မနေ့က ဇူလိုင်လ (၂၄) ရက်နေ့မှာတော့ “ပိုသူလှူ လိုသူကူ” အဖွဲ့ကြီးက အွန်လိုင်းဈေးရောင်းပွဲတော်မှရရှိခဲ့သမျှငွေ သိန်း(၅၀)တိတိကို ဖားကန့်မြို့ ဝှေခါကျေးရွာတွင် ဖြစ်ပွါးခဲ့သည့် မြေပြိုမှူဘေးဒဏ် ခံစားရသော ကျန်ရစ်မိသားစုများအတွက် လှူဒါန်းခဲ့တယ်လို့ သိရပါတယ်။ “ယခုအလှူဟာ အွန်လိုင်းဈေးရောင်းပွဲတော် ရက်သတ္တပတ်မှာ သဘင်မိသားစုများကို

ချစ်မြတ်နိုးသော အများပြည်သူများရဲ့ ဝိုင်းဝန်းအားပေးသော စုပေါင်းအလှူပင်ဖြစ်ပါကြောင်း သာဓုခေါ်ဆိုနိုင်ပါရန် အသိပေးအပ်ပါတယ်ခင်ဗျာ။” ဆိုပြီး ပိုသူလှူ လိုသူကူအဖွဲ့ကြီးက ပြောထားပါသေးတယ်။ “ပိုသူလှူ လိုသူကူ” အဖွဲ့ကြီးကတော့ သူတို့စတင်ရည်ရွယ်ခဲ့တဲ့ ဖားကန့်မြို့ မပြိုမှူဘေးဒဏ် ခံစားရသော ကျန်ရစ်မိသားစုများအတွက် လှူဒါန်းနိုင်ခဲ့လို့

ဝမ်းသာပီတိဖြစ်နေကြမယ် ထင်ပါတယ်။ ပရိသတ်ကြီးလည်း “ပိုသူလှူ လိုသူကူ” အဖွဲ့ကြီးနဲ့ (၇)ရက်သားသမီးအလှူရှင်တို့ရဲ့ ကုသိုလ်လေးကို ဝမ်းမြောက်စွာသာဓုခေါ်ဆိုပေးကြပါဦးနော်။ ဖတ်ရှုပေးကြတဲ့ ပရိသတ်ကြီးအားလုံးလည်း သာယာပျော်ရွှင်တဲ့ နေ့လေးတစ်နေ့ကို ပိုင်ဆိုင်နိုင်ကြပါစေလို့ ဆုတောင်းပေးလိုက်ပါတယ်နော်။

Leave A Reply

Your email address will not be published.

error: Content is protected !!