Latest Breaking News & Headlines

မြန်မာပြည်တွင် Covid ရောဂါကြောင့် နေ့စဥ်သေဆုံးမှု စံချိန်သစ်တင်…

236

မြန်မာနိုင်ငံမှာ ဒီနေ့ COVID-19 ရောဂါကြောင့် သေဆုံးသူ ၄၈ ယောက်ရှိပြီး နေ့စဉ်သေဆုံးမှု အများဆုံး စံချိန်တင်လိုက်ပါတယ်။ ဒီနေ့မှာ အခုလို ဗိုင်းရပ်စ်ကြောင့် နောက်ထပ် ၄၈ ယောက် သေဆုံးခဲ့တဲ့အတွက် သေဆုံးသူ စုစုပေါင်း ၆၄၆ ယောက်ရှိသွားပြီလို့ ကျန်းမာရေးနဲ့ အားကစားဝန်ကြီးဌာနက ဒီနေ့ည ၈ နာရီ ထုတ်ပြန်ချက်မှာ ပြောလိုက်ပါတယ်။

ဒါ့အပြင် လွန်ခဲ့တဲ့ ၂၄ နာရီအတွင်း နောက်ထပ် ဗိုင်းရပ်စ်ကူးစက်ခံရသူ ၁,၉၁၀ ဦး ထပ်မံတွေ့ရှိခဲ့တယ်လို့ ကျန်းမာရေးဝန်ကြီးဌာနက ပြောပါတယ်။ ဒါကြောင့် အခုဆိုရင် တနိုင်ငံလုံးမှာ ရောဂါကူးစက်ခံရသူ အရေအတွက်ဟာ ၂၇,၉၇၄ ယောက် ရှိသွားပြီဖြစ်ပါတယ်။

မနေ့ည ၈ နာရီကနေ ဒီနေ့ည ၈ နာရီအတွင်း ဓာတ်ခွဲနမူနာ ၁၄,၈၀၉ ခုကို စစ်ဆေးခဲ့တာမှာ အခုလို ဗိုင်းရပ်စ်ကူးစက်ခံရသူ ၁,၉၀၀ ကျော်ကို ထပ်မံတွေ့ရှိခဲ့တာ ဖြစ်ပါတယ်။

မနေ့ကတော့ ဗိုင်းရပ်စ်ကူးစက်သူ ၂,၁၅၈ ယောက်ရှိတဲ့အတွက် ဒီနေ့မှာ ကူးစက်သူအရေအတွက် ကျဆင်းခဲ့ပေမယ့် သေဆုံးသူအရေအတွက်တော့ တိုးလာခဲ့တာပါ။ မနေ့က ဗိုင်းရပ်စ်ပိုးတွေ့ရှိသူ ၂,၁၅၈ ယောက်ထဲမှာ ရန်ကုန်တိုင်းဒေသကြီးက ၁,၉၀၆ ယောက်နဲ့ အများဆုံးဖြစ်ပါတယ်။ အဲဒီနောက်မှာတော့ ပဲခူတိုင်းက ၇၇ ယောက်နဲ့ ဒုတိယအများဆုံးဖြစ်ပြီး မန္တလေးတိုင်းက ၃၉ ယောက်နဲ့ တတိယအများဆုံးဖြစ်ပါတယ်။ အဲဒီထဲမှာ အနံ့မရတဲ့သူ ၂၆၂ ဦး ပါဝင်တယ်လို့ ပြောပါတယ်။

ဒါ့အပြင် ဒီနေ့မှာ ၂ ကြိမ်ဆက် ပိုးမတွေ့လို့ ဆေးရုံက ဆင်းခွင့်ရသူ ၂,၆၉၂ ယောက်ရှိတာကြောင့် ရောဂါသက်သာ ပျောက်ကင်းသူ ၉,၇၄၂ ယောက် ရှိသွားပြီဖြစ်တယ်လို့ ကျန်းမာရေးဝန်ကြီးဌာနက ပြောပါတယ်။

အခုလိုအဆုံးထိဖတ်ရှုပေးတဲ့အတွက် ကျွန်တော်တို့ Page မှ အထူးပင်ကျေးဇူးတင်ရှိပါတယ်နော်…နောက်များမှာလည်း အခုလိုဆယ်လီတို့ရဲ့ သတင်းများနှင့် ပြည်တွင်းပြည်ပသတင်းများကို အချိန်နှင့် တပြေးညီတင်ဆက်ပေးမှာ ဖြစ်တဲ့အတွက်ကျွန်တော်တို့ Page လေးကို Like & See First လေးလုပ်ပေးသွားကြပါအုံးနော်….

Leave A Reply

Your email address will not be published.

error: Content is protected !!