Latest Breaking News & Headlines

မြန်မာ COVID-19 ကြောင့်သေဆုံးသူ ၂၄ ဦး၊ ကူးစက်သူ ၈၈၀ တိုး…

165

မြန်မာနိုင်ငံမှာ COVID-19 ကပ်ရောဂါ နောက်ထပ်ကူးစက်သူ ၈၈၀ နဲ့ သေဆုံးသူ ၂၄ ယောက်ရှိတယ်လို့ ကျန်းမာရေးနဲ့ အားကစားဝန်ကြီးဌာနရဲ့ ဒီကနေ့ည ၈ နာရီ ထုတ်ပြန်ချက်မှာ ဖော်ပြထားပါတယ်။

ဒါဟာ မြန်မာနိုင်ငံမှာ ကိုရိုနာဗိုင်းရပ်စ် စဖြစ်ချိန်ကတည်းကဆိုရင် ၂၄ နာရီအတွင်း သေဆုံးမှုနှုန်း အများဆုံးဖြစ်ပါတယ်။

ဓာတ်ခွဲနမူနာစုစုပေါင်း ၅,၈၁၆ ခုကို စမ်းသပ်စစ်ဆေးခဲ့တာမှာ အခုလို ဗိုင်းရပ်စ်ကူးစက်သူ ၈၈၀ ကို ထပ်မံတွေ့ရှိခဲ့တာ ဖြစ်တယ်လို့ ကျန်းမာရေးနဲ့ အားကစားဝန်ကြီးဌာနက ပြောထားပါတယ်။ ဒါကြောင့် ဗိုင်းရပ်စ်ကူးစက်ခံရသူ စုစုပေါင်း ၉,၉၉၁ ယောက် ရှိသွားပြီဖြစ်ပါတယ်။

ဒီနေ့ ဗိုင်းရပ်စ်တွေ့ရှိတဲ့ သူတွေထဲမှာ အမှတ် ၁ တပ်မတော်ဆေးရုံကြီး ကုတင် ၁၀၀၀ က နောက်ထပ်ကူးစက်သူ ၁၀၀ တွေ့ရှိခဲ့ပါတယ်။

ဒါ့အပြင် သေဆုံးသူစုစုပေါင်းဟာလည်း ၁၉၈ ယောက်ရှိသွားပြီ ဖြစ်ပါတယ်။ ဒီနေ့သေဆုံးသူ ၂၄ ယောက်မှာ ရန်ကုန်တိုင်းဒေသကြီးက ၂၃ ယောက်ပါပြီး မော်လမြိုင်က တယောက်ပါပါတယ်။ သေဆုံးသူတွေဟာ အသက် ၁၅ နှစ်ကနေ ၈၇ နှစ်ကြားမှာရှိတဲ့ အမျိုးသား ၁၉ ယောက်နဲ့ အမျိုးသမီး ၅ ယောက် ဖြစ်ပါတယ်။

ဓာတ်ခွဲအတည်ပြု လူနာဟောင်းတွေထဲက ၂ ကြိမ်ဆက်ပိုးမတွေ့သူ ၁၆၄ ယောက်ရှိတာကြောင့် ရောဂါသက်သာပျောက်ကင်းပြီး ဆေးရုံက ဆင်းခွင့်ရသူ စုစုပေါင်းဟာ ၂,၆၈၁ ယောက်ရှိပြီဖြစ်တယ်လို့ ပြောပါတယ်။

အခုလိုအဆုံးထိဖတ်ရှုပေးတဲ့အတွက် ကျွန်တော်တို့ Page မှ အထူးပင်ကျေးဇူးတင်ရှိပါတယ်နော်…နောက်များမှာလည်း အခုလိုဆယ်လီတို့ရဲ့ သတင်းများနှင့် ပြည်တွင်းပြည်ပသတင်းများကို အချိန်နှင့် တပြေးညီတင်ဆက်ပေးမှာ ဖြစ်တဲ့အတွက်ကျွန်တော်တို့ Page လေးကို Like & See First လေးလုပ်ပေးသွားကြပါအုံးနော်….

Leave A Reply

Your email address will not be published.

error: Content is protected !!