Latest Breaking News & Headlines

မလေးရှားက နောက်ထပ် မြန်မာ ၁၆၀ ကျော် သံရုံးအစီအစဉ်နဲ့ နေရပ်ပြန်ပို့…

119

ကိုဗစ်ကပ်ရောဂါကာလ မလေးရှားနိုင်ငံမှာ ပိတ်မိနေတဲ့ မြန်မာနိုင်ငံသား ၁၆၀ ကျော်ကို မြန်မာသံရုံးအစီအစဉ်နဲ့ နေရပ်ပြန်ပို့ပေးခဲ့သလို ထိန်းသိမ်းရေး စခန်းတွေထဲက မြန်မာနိုင်ငံသားတွေ နေရပ်ပြန်နိုင်ဖို့လည်း စီစဉ်နေပါတယ်။

ကပ်ရောဂါကြုံနေရတဲ့ မလေးရှားနိုင်ငံရောက် မြန်မာနိုင်ငံသားတွေထဲက ကျန်းမာရေး မကောင်းသူတွေနဲ့ ကိုယ်ဝန်ဆောင်တွေ အပါအဝင် လူ ၁၆၀ ကျော်ကို မြန်မာသံရုံး အကူအညီနဲ့ မနေ့တုန်းကပဲ နေရပ်ပြန်ပို့ပေးခဲ့သလို ဒီလကုန်လောက် နောက်တသုတ်ထပ်ပို့ဖို့လည်း စီစဉ်နေတာဖြစ်ပါတယ်။ မလေးရှားနိုင်ငံက လူဝင်မှုကြီးကြပ်ရေး ထိန်းသိမ်းရေးစခန်းတွေမှာ ဖမ်းဆီးခံထားရတဲ့ ခန့်မှန်းချေ မြန်မာနိုင်ငံသား ၃,၀၀၀ လောက်အနက် တချို့ကို စိစစ်ပြီး နေရပ်ပြန်နိုင်အောင် စီစဉ်နေတာလို့လည်း မြန်မာသံရုံးကိုယ်စားပြုပြီး အကူအညီပေးနေတဲ့ ဦးသီဟမောင်မောင်က ပြောပါတယ်။

“၃၀ ရက်နေ့ပို့ဖို့တော့ စီစဉ်နေပြီ။ အပြင်ကလူတွေနဲ့ မျှပြီးပို့ရမယ်ဆိုတော့ အထဲက လူဘယ်နှစ်ဦးပါမယ်၊ အပြင်က ဘယ်နှစ်ဦးပါမယ် အတိအကျ မသိရသေးဘူး။ အထဲက ကျနော်တို့ စာရင်းကောက်ထားတာက လူ ၃,၀၀၀ ဝန်းကျင်လောက်ရှိတယ်။ မနေ့ကပို့တာကတော့ ၁၆၀ ကျော် ကျန်းမာရေး မကောင်းသူတွေ ပါတယ်၊ ကိုယ်ဝန်ဆောင်တွေပါတယ်။ နောက်တခုက ပုံမှန် ပါမစ်သက်တမ်း ကုန်ဆုံးသွားသူတွေ ပါတယ်။”

မြန်မာ နိုင်ငံခြားရေးဝန်ကြီးဌာနကတော့ ကပ်ရောဂါကာလမှာ နေရပ်ပြန်ဖို့ အကူအညီတောင်းထားတဲ့ မလေးရှားရောက် အထောက်အထားမဲ့ မြန်မာနိုင်ငံသား ၁၀,၀၀၀ ကျော်ရှိနေပြီး ဒီအထဲက ကိုယ်ဝန်ဆောင် အမျိုးသမီးတွေနဲ့ ကျန်းမာရေး မကောင်းသူတွေ အပါအဝင် အရေးပေါ်အခြေအနေ ကြုံနေရသူ ၁၃၀ ကျော်ကို နေရပ်ပြန်ပို့နိုင်ဖို့ စီစဉ်ထားကြောင်းလည်း သတင်းထုတ်ပြန်ထားပါတယ်။ အဲဒီထဲက ၁၁၉ ယောက်ကိုတော့ ပထမအသုတ်အဖြစ် အောက်တိုဘာလ ၁၅ ရက်နေ့မှာ ကယ်ဆယ်ရေးလေယာဉ်နဲ့ ပြန်ပို့မယ်လို့လည်း မြန်မာသံရုံးက သတင်းထုတ်ပြန်ထားပါတယ်။ မလေးရှားနိုင်ငံ ဥပဒေအရ နေရပ်ပြန်မယ့် မြန်မာနိုင်ငံသားတွေ ဒဏ်ကြေးပေးဆောင်ရမှာ ဖြစ်ပေမယ့် အခက်အခဲ ကြုံနေရချိန်မှာ သက်သာခွင့်ရဖို့ ၂ နိုင်ငံ တာဝန်ရှိသူတွေ ညှိနှိုင်းနေတယ်လို့လည်း ဦးသီဟမောင်မောင်က ပြောပါတယ်။

“အခုလောလောဆယ်တော့ နှစ်နိုင်ငံ ညှိနှိုင်းနေတယ်။ ဒီ ၁၁၉ ဦးကိုတော့ ဒဏ်ကြေးမပေးရအောင် အတတ်နိုင်ဆုံး ညှိနှိုင်းနေတယ်။ အဲဒါကလည်း အခုမှ စလုပ်တာဆိုတော့ ဒဏ်ကြေးဆောင်ရမယ်၊ မဆောင်ရဘူး ဆိုတာတော့ အတိအကျ မပြောနိုင်သေးဘူး။ အဲဒါကို လူကြီးပိုင်းက စီစဉ်နေတာဆိုတော့ ပြောပြလို့ မရသေးဘူး။ မဆောင်ရအောင်တော့ ကြိုးစားပြီး ဆောင်ရွက်နေပါတယ်။”

ခန့်မှန်းချေ မြန်မာနိုင်ငံသား ၅ သိန်းခွဲလောက် အလုပ်လုပ်ကိုင်နေတဲ့ မလေးရှားနိုင်ငံမှာ ကပ်ရောဂါကာလ ကန့်သတ်ချက်တွေကြောင့် မြန်မာနိုင်ငံသားတွေ အလုပ်အကိုင်နဲ့ စားဝတ်နေရေး အခက်အခဲတွေ ကြုံနေကြရတာပါ။ ဒါကြောင့်လည်း နေရပ်ပြန်ဖို့ တရားမဝင် နည်းလမ်းတွေနဲ့ ကြိုးစားရင်း မလေးရှား-ထိုင်းနယ်စပ်မှာ ဖမ်းဆီးခံရသူတွေလည်း အများအပြား ရှိနေသလို တချို့ဆိုရင် လူမှောင်ခိုကူးသူတွေရဲ့ သားကောင်တွေအဖြစ် ကျရောက်သွားကြရတာပါ။ ကိုဗစ်အရေးပေါ်ကာလမှာ မလေးရှားရောက် မြန်မာတွေထဲက မိမိကိုယ်ကို အဆုံးစီရင်တာကတော့ ၁၇ ဦးထိ ရှိသွားပါတယ်။

အခုလိုအဆုံးထိဖတ်ရှုပေးတဲ့အတွက် ကျွန်တော်တို့ Page မှ အထူးပင်ကျေးဇူးတင်ရှိပါတယ်နော်…နောက်များမှာလည်း အခုလိုဆယ်လီတို့ရဲ့ သတင်းများနှင့် ပြည်တွင်းပြည်ပသတင်းများကို အချိန်နှင့် တပြေးညီတင်ဆက်ပေးမှာ ဖြစ်တဲ့အတွက်ကျွန်တော်တို့ Page လေးကို Like & See First လေးလုပ်ပေးသွားကြပါအုံးနော်….

Leave A Reply

Your email address will not be published.

error: Content is protected !!