Latest Breaking News & Headlines

မလေးရှားက အထောက်အထားမဲ့ မြန်မာ ၁၀၀ ကျော် နေရပ်ပြန်ပို့ရေး သံရုံးစီစဉ်နေ…

111

မလေးရှားမှာရှိနေတဲ့ အထောက်အထားမဲ့ မြန်မာနိုင်ငံသားတွေကို ပထမဆုံးအကြိမ်အဖြစ် အစုအဝေးလိုက်ပြန်ပို့ဖို့ မလေးရှားနိုင်ငံဆိုင်ရာ မြန်မာသံရုံးက စီစဉ်နေပါတယ်။

အထောက်အထားမဲ့ တရားမဝင် အလုပ်သမားတွေ နေရပ်ပြန်နိုင်ရေးအတွက် Certificate of Identity မည်သူမည်ဝါဖြစ်ကြောင်း အထောက်အထား စာအုပ်တွေကို အခမဲ့ထုတ်ပေးပြီး နေရပ်ပြန်ပို့ဖို့ လုပ်ဆောင်နေတဲ့အကြောာင်း မလေးရှားနိုင်ငံဆိုင်ရာ မြန်မာသံရုံးက အလုပ်သမား သံအရာရှိ ဦးအောင်ဇော်မင်းက ဗွီအိုအေကို ပြောပါတယ်။

“၁၁၉ ယောက် သံရုံးဖော်ပြထားတာကတော့ တရားမဝင်တွေထဲမှာက ကိုယ်ဝန်ဆောင်တွေနဲ့ ကျန်းမာရေးမကောင်းတဲ့ သူတွေကို စီစဉ်ပေးတဲ့သဘောပါ။ ၁၃၀ ပြန်ပို့မယ့် အဆက်ပါ။ ဒီအောက်တိုဘာလထဲမှာ ပြန်ပို့ပေးမယ့် သဘောပါ။ အောက်တိုဘာ ဒါမှမဟုတ် နိုဝင်ဘာလထဲမှာ ပြန်ပို့ပေးမယ့် သဘောပါ။ CI Certificate of Identity (မည်သူမည်ဝါဖြစ်ကြောင်း အထောက်အထားစာအုပ်) လုပ်ပေးဖို့လည်း နောက်ဆုံးရက် သတ်မှတ်ပြီး သံရုံးကိုလာဖို့လည်း သံရုံးက ကြေညာထားပါတယ်။”

မလေးရှားနိုင်ငံမှာ ကပ်ရောဂါကာလ ကန့်သတ်မှုတွေကြား အလုပ်အကိုင်နဲ့ စားဝတ်နေရေး အခက်အခဲ ကြုံနေရတဲ့ မြန်မာနိုင်ငံသားတွေ နေရပ်ပြန်ချင်ပေမယ့် မပြန်နိုင်ဘဲ ဖြစ်နေသူတွေ၊ ဖမ်းဆီးခံရသူတွေ ရှိနေသလို ကိုယ့်ကိုယ်ကို အဆုံးစီရင်သူတွေလည်း ရှိပြီးတဲ့နောက် သံရုံးက အခုလို စီစဉ်လာတာ ဖြစ်ပါတယ်။

ပြီးခဲ့တဲ့ အင်္ဂါနေ့တုန်းကပဲ နောက်ထပ် မြန်မာအလုပ်သမားနှစ်ဦး ကိုယ့်ကိုယ်ကို အဆုံးစီရင်တာကြောင့် စုစုပေါင်း ၁၇ ဦးအထိ ရှိသွားပါပြီ။

စာရင်းပေးထားတဲ့ တရားမဝင် အလုပ်သမား ၁၀၀ ကျော်အနေနဲ့ သူတို့ရဲ့ မှတ်ပုံတင်နဲ့ မိသားစုသန်းခေါင်စာရင်း မိတ္တူတွေနဲ့အတူ စက်တင်ဘာလ ၂၁ ရက်နေ့ကနေ စက်တင်ဘာလ ၂၅ ရက်နေ့အတွင်း လူကိုယ်တိုင်လာပြီး မြန်မာသံရုံးကို ဆက်သွယ်ကြဖို့ကိုလည်း ကြေညာထားပါတယ်။ ဒါဟာ တရားမဝင် မြန်မာအလုပ်သမားတွေကို အစုအဝေးလိုက် ကယ်ဆယ်ရေးလေယာဉ်နဲ့ ပြန်ပို့ဖို့ ပထမဆုံးအကြိမ် စီစဉ်တာပဲ ဖြစ်ပါတယ်။

မြန်မာနိုင်ငံခြားရေးဝန်ကြီးဌာနကတော့ ကပ်ရောဂါကာလမှာ နေရပ်ပြန်ဖို့ အကူအညီတောင်းထားတဲ့ မလေးရှားရောက် အထောက်အထားမဲ့ မြန်မာနိုင်ငံသား ၁၀,၀၀၀ ကျော် ရှိနေပြီး ဒီအထဲက ကိုယ်ဝန်ဆောင် အမျိုးသမီးတွေနဲ့ ကျန်းမာရေး မကောင်းသူတွေ အပါအဝင် အရေးပေါ်အခြေအနေ ကြုံနေရသူ ၁၃၀ ကျော်ကို နေရပ်ပြန်ပို့နိုင်ဖို့ စီစဉ်ထားကြောင်းလည်း သတင်းထုတ်ပြန်ထားပါတယ်။

ခန့်မှန်းချေ မြန်မာနိုင်ငံသား ၅ သိန်းခွဲလောက် အလုပ်လုပ်ကိုင်နေတဲ့ မလေးရှားနိုင်ငံမှာ ကပ်ရောဂါကာလ ကန့်သတ်ချက်တွေကြောင့် မြန်မာနိုင်ငံသားတွေ အလုပ်အကိုင်နဲ့ စားဝတ်နေရေး အခက်အခဲတွေ ကြုံနေကြရတာပါ။ ဒါကြောင့်လည်း နေရပ်ပြန်ဖို့ တရားမဝင် နည်းလမ်းတွေနဲ့ ကြိုးစားရင်း မလေးရှား-ထိုင်းနယ်စပ်မှာ ဖမ်းဆီးခံရသူတွေလည်း အများအပြား ရှိနေပါတယ်။ တချို့ဆိုရင် လူမှောင်ခိုကူးသူတွေရဲ့ သားကောင်တွေအဖြစ် ကျရောက်သွားကြရတာတွေလည်း ရှိပါတယ်။

အခုလိုအဆုံးထိဖတ်ရှုပေးတဲ့အတွက် ကျွန်တော်တို့ Page မှ အထူးပင်ကျေးဇူးတင်ရှိပါတယ်နော်…နောက်များမှာလည်း အခုလိုဆယ်လီတို့ရဲ့ သတင်းများနှင့် ပြည်တွင်းပြည်ပသတင်းများကို အချိန်နှင့် တပြေးညီတင်ဆက်ပေးမှာ ဖြစ်တဲ့အတွက်ကျွန်တော်တို့ Page လေးကို Like & See First လေးလုပ်ပေးသွားကြပါအုံးနော်….

Leave A Reply

Your email address will not be published.

error: Content is protected !!