Latest Breaking News & Headlines

အမေရိကန် အနောက်ဘက်ခြမ်း တောမီးလောင်ကျွမ်းမှု လူ ၂၄ ဦးထက်မနည်း သေဆုံး…

80

အမေရိကန် အနောက်ဘက်ကမ်းရိုးတန်းဒေသ ကယ်လီဖိုးနီးယားပြည်နယ်ကနေ ဝါရှင်တန်ပြည်နယ်အပြင် တခြားဒေသတွေအထိ သောကြာနေ့ နှောင်းပိုင်းထိဆိုရင် တောမီးအရေအတွက် ၁၀၀ ကျော် လောင်ကျွမ်းနေပါတယ်။

ဒီတောမီးကြောင့် မြို့လုံးကျွတ် ထိခိုက်ပျက်စီးတာတွေ ရှိထားသလို သေဆုံးသူကလည်း ၂၄ ဦးထက်မနည်း ရှိနေပါပြီ။

Oregon ပြည်နယ်မှာဆိုရင် အိမ်ခြေထောင်ပေါင်းများစွာ ပျက်စီးခဲ့ပြီဖြစ်သလို မြေဧက ထောင်ပေါင်းများစွာလည်း မီးလောင်ကျွမ်းခံထားရပါတယ်။

ပြည်နယ်လူဦးရေရဲ့ ၁၀ ရာခိုင်နှုန်းကျော်ဖြစ်တဲ့ လူ ၅၀၀,၀၀၀ ကျော်ကို ကယ်ဆယ်ရွှေ့ပြောင်းရေး နည်းလမ်း တနည်းနည်းနဲ့ ကယ်ထုတ်ထားရပါတယ်။

ကယ်လီဖိုးနီးယားပြည်နယ်မှာတော့ လူပေါင်း ၆၈,၀၀၀ ကျော်ကို ကယ်ထုတ် ရွှေ့ပြောင်းပေးထားပါတယ်။

ဒေသတွင်း နေရာအများအပြားမှာ မီးခိုးလုံးကြီးနဲ့ ပြာမှုန်တွေ သိပ်သည်းလွန်းတာကြောင့် ကျန်းမာရေးဆိုင်ရာ သတိပေးချက်တွေ ထုတ်ပြန်ထားရသလို ဒေသခံတွေ အိမ်ထဲမှာပဲနေကြဖို့ တာဝန်ရှိသူတွေက နှိုးဆော်ထားပါတယ်။

တာဝန်ရှိသူတွေအနေနဲ့ တောမီးတွေကို ငြှိမ်းသတ်ဖို့ ကြိုးစားနေရရုံသာမက ဆိုရှယ်မီဒီယာတွေပေါ်မှာ သတင်းမှားနဲ့ လုပ်ကြံသတင်းတွေ ဖြန့်နေတာကိုလည်း ရင်ဆိုင် ဖြေရှင်းနေရပါတယ်။

လက်ယာစွန်းနဲ့ လက်ဝဲစွန်း အုပ်စုတွေက မီးစရှို့ခဲ့တာဆိုတဲ့ လုပ်ကြံသတင်းတွေကို ဖြန့်နေကြတာပါ။

ပြောဆိုချက်တချို့အပေါ် စုံစမ်းစစ်ဆေးခဲ့ပြီး ခုချိန်ထိတော့ မှန်ကန်မှုမရှိဘူးဆိုတာ တွေ့ထားရတယ်လို့ FBI က သောကြာနေ့မှာ ပြောပါတယ်။

အခုလိုအဆုံးထိဖတ်ရှုပေးတဲ့အတွက် ကျွန်တော်တို့ Page မှ အထူးပင်ကျေးဇူးတင်ရှိပါတယ်နော်…နောက်များမှာလည်း အခုလိုဆယ်လီတို့ရဲ့ သတင်းများနှင့် ပြည်တွင်းပြည်ပသတင်းများကို အချိန်နှင့် တပြေးညီတင်ဆက်ပေးမှာ ဖြစ်တဲ့အတွက်ကျွန်တော်တို့ Page လေးကို Like & See First လေးလုပ်ပေးသွားကြပါအုံးနော်….

#Th

Leave A Reply

Your email address will not be published.

error: Content is protected !!