Latest Breaking News & Headlines

ထိုင်းနယ်စပ် မြန်မာဒုက္ခသည်စခန်းများအဝင်အထွက် ပိတ်ပင်…

71

အိမ်နီးချင်းမြန်မာနိုင်ငံမှာ ကိုဗစ်ကပ်ရောဂါဖြစ်နှုန်းတွေ များလာတာကြောင့် ထိုင်းမြန်မာနယ်စပ်က ဒုက္ခသည်စခန်းအားလုံးကို အဝင်အထွက် ပိတ်လိုက်တဲ့သတင်းကိုက တင်ပြပါမယ်။ ဗွီအိုအေမြန်မာပိုင်းသတင်းထောက် မအေးအေးမာက ထိုင်းမြန်မာနယ်စပ်ကနေ သတင်းပေးပို့ထားပါတယ်။

မြန်မာနိုင်ငံမှာ ကိုဗစ်ကပ်ရောဂါပိုးတွေ့ရှိသူတွေ တိုးမြင့်လာတာကြောင့် ထိုင်းအစိုးရက လုံးခြုံရေးကိုတင်းကြပ်ထားပြီ ထိုင်းမြန်မာနယ်စပ်က ဒုက္ခသည်စခန်းတွေကိုလည်း အဝင်အထွက်ပိတ်လိုက်ပါတယ်။ ကရင်ဒုက္ခသည်စခန်း ၇ ခုကိုတော့ လဆန်းပိုင်းကနေ စပိတ်ခဲ့ပြီး ကရင်နီဒုက္ခသည်စခန်း ၂ ခုတော့ မနေ့က စတင်ပြီးပိတ်လိုက်ပါတယ်။ ကရင်ဒုက္ခသည်ကော်မတီဥက္ကဋ္ဌ ဦးရောဘတ်ထွေးကတော့ မြန်မာနိုင်ငံကနေ ဝင်ရောက်လာသူရှိမှာကို ထိုင်းအစိုးရက စိုးရိမ်တာကြောင့် အခုဆို အဝင်အထွက်တွေကို တင်းတင်းကြပ်ကြပ်ပိတ်လိုက်တယ်လို့ ပြောပါတယ်။

“အကုန်လုံးပဲ စခန်းထဲက လူတွေလည်း အပြင်ထွက်လို့မရ အပြင်ကလူတွေလည်း စခန်းထဲကို ဝင်လို့မရ အခုက။ အရင်တုန်းက ဝင်လို့ ရသေးတယ်။ လောလောဆယ်က အဆင်မပြေဘူး၊ ဘယ်သူမှပေးမဝင်ဘူး။ ဝင်သွားတဲ့သူတွေကလည်း NGO တွေပဲ ဝင်လို့ရတယ်။ သူတို့ ဝင်လည်း စခန်းအုပ်ချုပ်ရေးမှူး (ပလာ)ကို ဝင်ခွင့်တောင်းပြီးမှ ဝင်ရတယ်။ ကျနော်တို့ ကရင်စခန်းဆို ၇ခုလုံးပဲ လကုန်ထိတော့နေရမှာပဲ။ ဘယ်တော့ပြန်ဖွင့်မလဲ မပြောသေးဘူး။ အဓိကတော့ ကိုဗစ်ကြောင့်ပဲမြန်မာပြည်က လူတွေလာမှာ စိုးရိမ်ကြတယ်။ အခုကတော့အတော်ကို တင်းကြပ်လိုက်တယ်။”

မြန်မာနိုင်ငံပြည်တွင်းစစ်ကြောင့် ထွက်ပြေးတိမ်းရှောင်လာသူတွေကိုတော့ ထိုင်း-မြန်မာနယ်စပ်မှာရှိတဲ့ ဒုက္ခသည်စခန်း ၉ ခုမှာ နှစ်ပေါင်း ၃၀ကျော်ကြာ ထိုင်းအစိုးရက ခိုလှုံခွင့် ပေးထားတာဖြစ်ပါတယ်။ ဒီဒုက္ခစခန်း ၉ ခုထဲမှာ ကရင်နီဒုက္ခသည်စခန်း ၂ ခု ပါဝင်တာပါ။ ကရင်နီဒုက္ခသည်စခန်း ၂ ခုမှာတော့ ဒုက္ခသည်ပေါင်း ၁၃,၀၀၀ ကျော် ခိုလှုံနေထိုင်နေတာဖြစ်ပြီး ကျန်တဲ့ကရင်ဒုက္ခသည် စခန်း ၇ ခုမှာ ခိုလှုံနေတဲ့ ဒုက္ခသည်တွေအားလုံးပေါင်းမယ်ဆိုရင်တော့ ထိုင်းမြန်မာနယ်စပ်က စခန်းတွေမှာ ဒုက္ခသည် ၁၀၀,၀၀၀ နီးပါးလောက် ခိုလှုံနထိုင်နေကြတာဖြစ်ပါတယ်။

အခုလိုအဆုံးထိဖတ်ရှုပေးတဲ့အတွက် ကျွန်တော်တို့ Page မှ အထူးပင်ကျေးဇူးတင်ရှိပါတယ်နော်…နောက်များမှာလည်း အခုလိုဆယ်လီတို့ရဲ့ သတင်းများနှင့် ပြည်တွင်းပြည်ပသတင်းများကို အချိန်နှင့် တပြေးညီတင်ဆက်ပေးမှာ ဖြစ်တဲ့အတွက်ကျွန်တော်တို့ Page လေးကို Like & See First လေးလုပ်ပေးသွားကြပါအုံးနော်….

#Th

Leave A Reply

Your email address will not be published.

error: Content is protected !!