Latest Breaking News & Headlines

ရွေးကောက်ပွဲ ဆိုင်းဘုတ်တင်ပွဲမှာ လူစုလူဝေးမလုပ်ဖို့ ဒေါ်စု တိုက်တွန်း…

64

မြန်မာနိုင်ငံမှာ ကိုဗစ်ကူးစက်မှု အခြေအနေကြောင့် အသွားအလာ ကန့်သတ်ချက်တွေကို လိုက်နာတဲ့အနေနဲ့ လူစုလူဝေး မလုပ်ကြဖို့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြည်သူတွေကို တိုက်တွန်းလိုက်ပါတယ်။ရန်ကုန်တိုင်း ကော့မှူးမြို့နယ်ကနေ ပြည်သူ့လွှတ်တော် ကိုယ်စားလှယ်အဖြစ် ဝင်ရောက်ယှဉ်ပြိုင်မယ့် NLD ပါတီဥက္ကဋ္ဌ ဒေါ်အောင်ဆန်းစုကြည်က စက်တာဘာ ၈ ရက် လာမယ့်အင်္ဂါနေ့ကျရင် ကော့မှူးမြို့က ရွေးကောက်ပွဲအောင်နိုငရေး ဆိုင်းဘုတ်တင်ပွဲ အခမ်းအနားမှာ ဒေသခံပြည်သူတွေ လူစုလူဝေးလုပ်မယ့်သတင်း ထွက်ပေါ်နေတာကြောင့် အခုလို သတိပေး ပြောကြားလိုက်တာ ဖြစ်ပါတယ်။

“ဒီထောက်ခံမှုထက် ပိုပြီး တန်ဖိုးရှိတာကတော့ ပြည်သူတွေရဲ့ ကျန်းမာရေးပဲ ဖြစ်ပါတယ်။ ကျန်းမာရေးနဲ့ လုံခြုံရေးပါ။ ဒါကြောင့်မို့လို့ အခုအချိန်မှာ ကိုဗစ်ကာလမှာဆိုလို့ရှိရင် လူစုလူဝေးလည်း မဖြစ်ရအောင် တနေရာကနေ တနေရာ မသွားဖို့ ပိတ်ပင်တားဆီးထားတဲ့ စည်းမျည်းစည်းကမ်းတွေနဲ့လည်း ကိုက်ညီအောင်လို့ ကျမတို့ရဲ့ ကော့မှူးကို မလိုက်ပါနဲ့လို့ ကျမအနေနဲ့ မေတ္တာရပ်ခံချင်ပါတယ်။”မြန်မာနိုင်ငံမှာ အခုရက်ပိုင်းအတွင်း တောက်လျှောက်ဆိုသလို ရန်ကုန်တိုင်းနဲ့ ရခိုင်ပြည်နယ်မှာ ကိုဗစ်အတည်ပြုလူနာတွေ တစစ တိုးလာနေတဲ့အတွက် နေအိမ်မှာပဲနေကြဖို့ Stay at Home အမိန့်ကို အစိုးရက ထုတ်ပြန်ထားသလို ရခိုင်ပြည်နယ်က မြို့နယ်အများစုမှာ ညမထွက်ရ ၁၄၄ အမိန့် ထုတ်ပြန်ထားပါတယ်။

ကျန်းမာရေးနဲ့ အားကစားဝန်ကြီးဌာနက စက်တင်ဘာ ၅ ရက် ည ၈ နာရီ သတင်းထုတ်ပြန်ချက်အရ မြန်မာနိုင်ငံမှာ စနေနေ့တရက်တည်း ကိုဗစ် ဓာတ်ခွဲအတည်ပြု လူနာသစ် ၃၇ ဦး ရှိပါတယ်။ အဲဒီထဲမှာ ရန်ကုန်တိုင်းက ၂၇ ဦးနဲ့ အများဆုံးဖြစ်ပြီး ရခိုင်ပြည်နယ်က ၆ ဦး၊ ရှမ်းပြည်နယ်က ၁ ဦးနဲ့ မန္တလေး၊ ဧရာဝတီ၊ နေပြည်တော်တိုင်းတွေက ၁ ဦးစီ ဖြစ်ပါတယ်။အခုချိန်ထိ မြန်မာနိုင်ငံမှာ ကိုဗစ်ကူးစက်ခဲ့သူ စုစုပေါင်း ၁,၂၅၃ ဦးရှိနေပြီး ရောဂါကင်းစင်လာသူပေါင်း ၃၇၁ ဦးရှိကာ ၇ ဦး သေဆုံးခဲ့ပြီ ဖြစ်ပါတယ်။

အခုလိုအဆုံးထိဖတ်ရှုပေးတဲ့အတွက် ကျွန်တော်တို့ Page မှ အထူးပင်ကျေးဇူးတင်ရှိပါတယ်နော်…နောက်များမှာလည်း အခုလိုဆယ်လီတို့ရဲ့ သတင်းများနှင့် ပြည်တွင်းပြည်ပသတင်းများကို အချိန်နှင့် တပြေးညီတင်ဆက်ပေးမှာ ဖြစ်တဲ့အတွက်ကျွန်တော်တို့ Page လေးကို Like & See First လေးလုပ်ပေးသွားကြပါအုံးနော်….

#Th

Leave A Reply

Your email address will not be published.

error: Content is protected !!