Latest Breaking News & Headlines

ကိုဗစ်ကူးစက်ခံရနိုင်ခြေ အများဆုံးသူတွေ ကာကွယ်ဆေး ဦးစားပေးဖို့ WHO တိုက်တွန်း…

106

COVID-19 ရောဂါ ကာကွယ်ဆေးတခု ရလာတဲ့အခါမှာ ရောဂါကူးစက်ခံရဖို့ အန္တရာယ်အရှိဆုံး လူတွေကို ဦးစားပေးပြီး ထိုးပေးသင့်တယ်လို့ ကမ္ဘာ့ကျန်းမာရေးအဖွဲ့ (WHO)

ညွှန်ကြားရေးမှူးချုပ် ဒေါက်တာ Tedros Adhanom Ghebreyesus က သောကြာနေ့ သတင်းစာရှင်းလင်းပွဲအတွင်း ပြောသွားပါတယ်။”ထိရောက်တဲ့ ကာကွယ်ဆေးတခု ရလာပြီဆိုရင် အဲဒါကို ထိထိရောက်ရောက် အသုံးပြုရပါမယ်။ ကာကွယ်ဆေးထုတ်လုပ်မှု တိုးလာတာနဲ့အမျှ နေရာတိုင်းက လူတိုင်း ကာကွယ်ဆေး ရစေချင်ပါတယ်။ ဒါပေမယ့် ကာကွယ်ဆေးအရေအတွက် နည်းနေမယ့် အစောပိုင်းကာလမှာတော့ မရှိမဖြစ် တာဝန်ထမ်းဆောင်နေရသူတွေနဲ့ သက်ကြီးရွယ်အိုတွေ၊ နဂို ရောဂါအခံရှိသူတွေ အပါအဝင် အန္တရာယ်အရှိဆုံးသူတွေကို ဦးစားပေးပြီး ကာကွယ်ဆေးထိုးပေးရပါမယ်” လို့ ဒေါက်တာ Ghebreyesus က ပြောပါတယ်။

ကာကွယ်ဆေးထိုးပေးရမယ့်ကိစ္စဟာ ကိုယ်ကျင့်သိက္ခာပိုင်းနဲ့ လူထုကျန်းမာရေးပိုင်းအရ အရေးကြီးရုံသာမကဘဲ စီးပွားရေးပိုင်းအရလည်း အရေးကြီးတဲ့ကိစ္စ ဖြစ်တာကြောင့် တချို့နိုင်ငံတွေက လူအားလုံးကို ထိုးပေးတာမျိုး မဟုတ်ဘဲ နိုင်ငံအားလုံးက လူတချို့ကို ဦးစားပေးပြီး ထိုးပေးရမယ်လို့လည်း ဒေါက်တာ Ghebreyesus က ပြောပါတယ်။ထိရောက်ပြီး အန္တရာယ်ကင်းတဲ့ COVID-19 ကာကွယ်ဆေးရဖို့ တကမ္ဘာလုံးမှာ အပြင်းအထန် ကြိုးစားနေကြပြီး အခုဆိုရင် တချို့ကာကွယ်ဆေးတွေကို တတိယအဆင့် စမ်းသပ်တဲ့ အခြေအနေတောင် ရောက်နေပါပြီ။

အဲဒီစမ်းသပ်ချက်တွေရဲ့ ရလဒ်တွေကို ဒီနှစ်ကုန် ဒါမှမဟုတ် ရှေ့နှစ်ဆန်းပိုင်းမှာ သိလာရပြီးတဲ့နောက် အလုပ်ဖြစ်မယ့် ကာကွယ်ဆေး သန်းပေါင်းများစွာကို စပြီး ထုတ်လုပ်ကြရမှာပါ။ဒါကြောင့် လက်တွေ့ကျကျ ပြောမယ်ဆိုရင် ၂၀၂၁ ခုနှစ် ဒုတိယနှစ်ဝက်ထက် စောပြီးတော့ ကာကွယ်ဆေးတခု ရလာဖွယ် မရှိဘူးလို့ WHO ရဲ့ သိပ္ပံပညာရှင် အကြီးအကဲ Soumya Swaminathan က ပြောပါတယ်။

အခုလိုအဆုံးထိဖတ်ရှုပေးတဲ့အတွက် ကျွန်တော်တို့ Page မှ အထူးပင်ကျေးဇူးတင်ရှိပါတယ်နော်…နောက်များမှာလည်း အခုလိုဆယ်လီတို့ရဲ့ သတင်းများနှင့် ပြည်တွင်းပြည်ပသတင်းများကို အချိန်နှင့် တပြေးညီတင်ဆက်ပေးမှာ ဖြစ်တဲ့အတွက်ကျွန်တော်တို့ Page လေးကို Like & See First လေးလုပ်ပေးသွားကြပါအုံးနော်….

#Th

Leave A Reply

Your email address will not be published.

error: Content is protected !!