Latest Breaking News & Headlines

ရုရှားနိုင်ငံ၏ ကိုဗစ်ကာကွယ်ဆေး တရားဝင် ဖြစ်လျှင် မြန်မာနိုင်ငံ အတွက်လည်း ရရှိနိုင်ရန် WHO က စီစဉ်ပေးထားဟုဆို…

75

ပထမဆုံး ကိုဗစ် ကာကွယ်ဆေးကိုရရှိပြီး ဖြစ်ကြောင်း ထုတ်ပြန်လိုက်ေသော ရုရှားနိုင်ငံ၏ တာဝန်ရှိသူများ နှင့် WHO (ကမ္ဘာ့ကျန်းမာရေးအဖွဲ့) မှ ညှိနှိုင်းဆွေးနွေးလျက်ရှိနေကြောင်း နှင့် ကာကွယ်ဆေး တရားဝင်ရ ပြီးဆိုလျင် ဝင်ငွေနည်း၊ ဝင်ငွေအလယ်အလတ်ရှိသည့် နိုင်ငံပေါင်းစုံ မကျန်စေရန် WHO အဖွဲ့က စီစဉ်ပေး ထားကြောင်း ကျန်းမာရေး နှင့် အားကစား ဝန်ကြီးဌာန ၊ အမြဲတမ်းအတွင်းဝန် ဒေါက်တာသက်ခိုင်ဝင်း က ပြောသည်။ရုရှားနိုင်ငံအနေဖြင့် ကိုရိုနာဗိုင်းရပ်စ် ကိုတိုက်ဖျက်နိုင်ပြီး ကိုယ်ခံအားကို ထိန်းထားပေးနိုင်သော ပထမဆုံးကာကွယ်ဆေးကို ထုတ်လုပ်ခဲ့ကြောင်း သမ္မတဗလာဒီမာပူတင်က သြဂုတ်လ ၁၁ က ထုတ်ပြန်ခဲ့ခြင်း ဖြစ်သည်…

”ရုရှားက စပြီးတော့ Viccnine( ကာကွယ်ဆေး) တွေ့တယ်လို့ ပြောပါတယ်။ တွေ့တဲ့ ကိစ္စကို WHO က တရားဝင် ဖြစ် မဖြစ်ကို ရုရှားက တာဝန်ရှိသူတွေနဲ့ ညှိနှိုင်းဆွေးနွေးလျက် ရှိတယ်လို့ သတင်းရရှိပါတယ်။ နောက်ပြီးတော့ WHO နဲ့လည်း ကျွန်တော်တို့ အားကစားနဲ့ ကျန်းမာရေးဝန်ကြီးဌာန ဆွေးနွေးထားတာ ရှိပါတယ်။ WHO က ကာကွယ်ဆေးက တကယ် လို့ တရားဝင်ရပြီဆိုရင် ကျွန်တော်တို့လို ဝင်ငွေနည်းတဲ့ နိုင်ငံတွေရော၊ ဝင်ငွေ အလယ်အလတ်ရှိတဲ့ နိုင်ငံတွေပါ မကျန်ခဲ့အောင် သက်ဆိုင်ရာ နိုင်ငံတကာ အဖွဲ့ အစည်းတွေနဲ့ညှိနှိုင်းပြီးတော့ နိုင်ငံပေါင်းစုံက ရရှိဖို့အတွက် အထူးသဖြင့် High Rise ပြည်သူတွေ ဖြစ်တဲ့ သက်ကြီးရွယ်အိုတွေ ၊ ကျန်းမာရေး စောင့်ရှောက်တဲ့ ဝန်ထမ်းတွေ ဦးစားပေးပြီး ရရှိအောင် စီစဉ်ထားတယ် ဆိုတာကို တင်ပြလိုပါတယ် ” ဟု ဒေါက်တာသက်ခိုင်ဝင်းက ယနေ့ သြဂုတ်လ ၁၂ရက် တွင် နိုင်ငံတော်၏ အတိုင်ပင်ခံပုဂ္ဂိုလ်နှင့် ဖေ့ဖ်ဘုတ်တိုက်ရိုက် ဆွေးနွေးစဉ် ပြောဆိုခဲ့သည်…

ရုရှားနိုင်ငံအနေဖြင့် ကိုရိုနာ ဗိုင်းရပ်စ် ကာကွယ်ဆေးကို သီတင်းပတ်များအတွင်း အများအပြားထုတ်လုပ်မှု စတင်ရန် မျှော်မှန်းထားပြီး လာမည့်နှစ်အတွင်းမှစ၍ တစ်လလျှင် ဆေးခုနစ်သန်းအထိ ထုတ်လုပ်နိုင် မည်ဖြစ်ကြောင်း နိုင်ငံတကာ သတင်းများတွင် ဖော်ပြထားသည်။ရုရှားကတော့ ကိုဗစ် ကာကွယ်ဆေးတွေ့ပြီးလို့ ပြောပါတယ်။ ဒါကျွန်မတို့ ဘယ်လောက်အထိသေချာ တယ်၊ မသေချာတယ်ဆိုတာ မသိသေးဘူးပေါ့နော်။ သေချာပြီဆိုရင် ကျွန်မတို့က ကျွန်မတို့ ပြည်သူတွေ အတွက် အမြန်ဆုံးရအောင်လို့ လုပ်မှာပဲ။ သို့သော်လည်း ဒါဟာလည်း ဒီနေ့ မနက်ဖြန်ဖြစ်မှာ မဟုတ်ဘူး။ ကျွန်မ ပြောရတဲ့ အကြောင်းက ဒီကြားကာလမှာ သည်းညည်းခံပြီးတော့ နေကြပါ။ စည်းကမ်းထိန်းသိမ်း ကြပါ” ဟု နိုင်ငံတော်၏အတိုင်ခံပုဂ္ဂိုလ်က ပြည်သူများအား တိုက်တွန်းပြောဆိုခဲ့သည်…

အခုလိုအဆုံးထိဖတ်ရှုပေးတဲ့အတွက် ကျွန်တော်တို့ Page မှ အထူးပင်ကျေးဇူးတင်ရှိပါတယ်နော်…နောက်များမှာလည်း အခုလိုဆယ်လီတို့ရဲ့ သတင်းများနှင့် ပြည်တွင်းပြည်ပသတင်းများကို အချိန်နှင့် တပြေးညီတင်ဆက်ပေးမှာ ဖြစ်တဲ့အတွက်ကျွန်တော်တို့ Page လေးကို Like & See First လေးလုပ်ပေးသွားကြပါအုံးနော်….

Leave A Reply

Your email address will not be published.

error: Content is protected !!