ဇူလိုင်လလယ်ကနေ စတင်ပြီးတော့ လူသိများလာတဲ့ ရုရှားတောင်ခေါ် ဘော်တွင်းတောင်ဆီကို ဒီနေ့ ဥပုသ်နေ့မှာ လာရောက်လည်ပတ်သူတွေနဲ့ စည်ကားနေပါတယ်။ဒီနေ့မှာတော့ ရှမ်းပြည်နယ်မြောက်ပိုင်းက ဒေသခံတွေ အများစု လာရောက် လည်ပတ်ကြပြီး ပြီးခဲ့တဲ့ ရက်ပိုင်းတွေက ရှမ်းပြည်နယ်တောင်ပိုင်းထဲက ဒေသခံတစ်ချို့လည်း လာရောက် လည်ပတ်ခဲ့ပါတယ်။
ရုရှားတောင်ဟာ နမ္မတူမြို့နယ်ထဲက ဘော်တွင်းတောင်လို့ သိကြပြီး နမ္မတူကနေ ကား၊ ဆိုင်ကယ်နဲ့ ၁ နာရီခန့် သွားရပါတယ်။လာရောက်လည်ပတ်သူတွေ များပြားတာကြောင့် ယာဥ်ပိတ်ဆို့မှုတွေဖြစ်ပြီး ရဲတစ်ချို့က ယာဥ်ကြောတွေ လာရောက်ရှင်းပေးနေရပါတယ်။ဒါ့အပြင် လာရောက်လည်ပတ်သူတွေ အများစုဟာ ရုရှားတောင်ပေါ်မှာ စည်းကမ်းမဲ့ အမှိုက်စွန့်ပစ်ထားတာကိုလည်း တွေ့ခဲ့ရပါတယ်။
